ەدىگە مارعۇلاننىڭ ايتۋىنشا, وتكەن جىلدىڭ ەكىنشى ونكۇندىگىنەن باستاپ تاعى ءبىر مەملەكەتتىك باعدارلاما «ەڭبەك» ناتيجەلى جۇمىسپەن قامتۋ مەن جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان ءىس-شارالارىن ىسكە اسىرا باستاعان. قور قالالىق ايماقتاردا شاعىن بيزنەستەگى كاسىپكەرلەردى نەسيەلەۋ وپەراتورى بولىپ تابىلادى.
بۇل باعدارلاما بويىنشا كىشى جانە ورتا بيزنەستەگى كاسىپكەرلەرگە نەسيە 5 جىلعا دەيىن سالالار بويىنشا شەكتەۋسىز.6% مولشەرىندە بەرىلەدى. ءبىر كاسىپكەر ءۇشىن ماكسيمالدى ليميت 8000 اەك قۇرايدى. ەگەر كەپىلدىك تولەم جەتكىلىكسىز بولسا, قور نەسيە سوماسىنان 85 پايىزعا دەيىن كەپىلدەمە قولداۋىن بەرە الادى.
سونىمەن بىرگە, مايدا نەسيە ءىسىن جاڭا باستاعان كاسىپكەرلەردىڭ جوبالارىن قوسپاعاندا, جوبالارى ساۋدا-ساتتىق سالاسىندا اينالىم قاراجاتىن تولتىرۋعا باعىتتالعان 45.20 جانە 45.40 كلاستارىندا كوزدەلگەن اۆتوكولىك قۇرالدارى مەن موتوتسيكلدەردى تەحنيكالىق قىزمەت كورسەتۋ مەن جوندەۋدى قوسپاعاندا, ەقجس "كوتەرمە جانە بولشەك ساۋدا; اۆتوموبيلدەر مەن موتوتسيكلدەردى جوندەۋ" G سەكتسياسى) كاسىپكەرلەرى باعدارلاماعا قاتىسا المايدى.
ءىسىن ەندى باستاعان كاسىپكەرلەر مىندەتتى تۇردە كاسىپكەرلىكتىڭ وقۋ كۋرسىنان ءوتۋى ءتيىس. سوندىقتان «دامۋ» قورى قاشىقتىقتان وقىتۋ باعدارلاماسىن ازىرلەپ وتىر. ياعني, ونلاين وقۋدىڭ ارتىقشىلىعى: كاسىپكەرلىك نەگىزدەرىن كەز كەلگەن قولايلى ۋاقىتتا مەڭگەرۋگە بولادى. كاسىپكەرلەرگە بار بولعانى edu.damu.kz سايتىندا تىركەلىپ, وقۋ كۋرسىن ءوتتى دەگەن سەرتيفيكات الۋى كەرەك.
باعدارلاما بويىنشا كاسىبىن جاڭادان باستاعان نەمەسە جۇمىس ىستەپ جۇرگەن كاسىپكەرلەر جۇمىسقا ورنالاسۋ ورتالىعىنان بانككە جولداما الۋ كەرەك بولادى. ەنگىزىلگەن وزگەرىستەرگە سايكەس ەندى جۇمىس جۇرگەن كاسىپكەرلەر تىكەلەي بانككە جۇگىنەدى, – دەدى ەدىگە مارعۇلان.
ايناش ەسالي,
«ەگەمەن قازاقستان».
الماتى
